مانيش محسوب من المحاسبيب
ولا حتى من الشٍله
وف القائمة مليش ترتيب
ومضروب إسمي 100 قُلة
كتبت وقولت انا شاعر
كلام واعر
لكن متغطى ف الحٓلٓة
لا يوم فى حد سقف لي
ولا في حد ب يوقف لي
ولا اسمي اتذكر مره
ف قلب كتاب ولا مجلة
وبكتب عادي ف كلامى
حروف من قلبي ل ٱلامى
ونفسي اشوف بقى احلامي
مانيش فى القصد ب أتسلي
وكل صحابي احبابي
يقولى دا حلو جميل
ف بفتح ليا سٍردابي
وأجري بيه راكب خيلي
أسابق كل كُتابي
دى هدت حيل
سامى ابو الغيط
مانيش محسوب….للمبدع / سامي ابو الغيط
